ஒரு பறவையின் எச்சத்திலிருந்து விருக்ஷமானது
அந்த அநாதை மரம்
ரோட்டோரத்தில் படர்ந்த அது
இரவில் நிலவின் வியர்வையப் பனித்துளியாக்கி
பகலில் உதிர்க்கிறது
வீடற்றவனுக்கு வீடாகிறது
பறவைகளுக்கும்
பகலில் வழிப்போக்கனுக்கு குடையாகிறது
தன்மேல் எழுதப்பட்ட பெயர்கள், எண்களைப் பார்த்து
தனக்குள் நகைக்கிறது
எவனது காதலிக்கோ வலி சுமக்கிறது
பிறகு யாராலும் சீண்டப்படாத தன் வலியை
இரகசியமாய் பரிமாறிக்கொள்கிறது
வேர்களிடம் யாரும் அறியாமல்..
No comments:
Post a Comment